XEGA celebra’l so 25.u Aniversariu esti unu d’avientu, coincidiendo col Día mundial d’acción frente al VIH y el sida.
La nuestra asociación nació en 1992 y, nestos 25 años, la llucha contra’l sida y contra toa forma de discriminación hacia’l colectivu LGTB (lesbianes, gais, tresexuales y bisexuales) foi la principal xera que nos dimos. Celebrar esti ventésimu quintu cumpleaños ye pa quien formamos XEGA un motivu d’allegría y d’arguyu.
Por eso, convidámoste al Actu de conmemoración del 25.u Aniversariu de XEGA que se va facer el xueves 30 de payares, a les 19:30 hores, nel Salón de recepciones de la Casa Conceyu de Xixón, na Plaza Mayor.
Esperando poder cuntar cola to presencia nesti actu, aprovecho pa unviate un saludu candial,
Yosune Álvarez,
Coordinadora de XEGA
Entrada llibre y de baldre. Aforu llimitáu.
El artículo Actu conmemorativu «25.u Aniversariu de XEGA» aparece primero en Asociación XEGA.